محمود عادل
جهاز ضعف السمع
ضعيف السمع مش بيسمعك خالص؟!
لا بيسمعك عن طريق جهاز متركب فى ودانه..
أحمد دكتور شغال معايا وكان لابس جهاز فى ودانه بس أنا مكنتش أعرف دا جهاز إيه لحد فى مرة بطلب منه طلب بس هو كان واقف بعيد قولته ف مبصليش أصلا ف استغربت وروحتله قلت يا د/أحمد بنادى عليك قاللى معلش مش سامعك وأنا برضو مش عارف هو مسمعنيش ليه لحد ما فى مرة كنت واقف جنبه وبكلِّمه ولاقيت صوت طالع من الجهاز اللى فى ودانه قولت إيه الصوت دا قاللى دا صوت جهاز السمع بتاعى لما يكون البطاريات خلصت ما بسمعش ومن هنا عرفت إنه عنده ضعف سمع ومن ساعتها بقيت أتكلم معاه وأنا واقف جنبه علشان يسمعنى وميتحرجش إنى مسمعتوش بعد كدا .
كما أن بعض أصحاب الهمم يعانى من ناس رجعية فى التفكير والأخلاق اللى بيتنمروا بطريقة مقصودة أو غير مقصودة من خلال كلمات أو أفعال
فلابد من إحكام العقل والرذانة فى الأخلاق نتعامل معاهم بحب ونقدم لهم يد المساعدة.
ليكون طريقنا فى المجتمع واحدًا وحلمنا فى المستقبل واحدًا .
